04.02.06

Schnäppchen des Monats!

Posted in Life at 16:01

Wenn me i Usgang geit, weiss me ja bekanntlech nie so recht, wies nähr usechunnt, wenn meh wider hei geit. Mängisch isch me im Moonliner u denkt, de Aabe isch jtz ou für nüt gsi. Oder de isch mer glücklech, wös eifach e geile Aabe isch gsi. Am Fritig het eidütig z letschtere zuetroffe. Gstartet mit ere guete Rundi Billard. Später louft me nichts ahnend dür d Autstadt und was steit da plötzlech? E super Sessu. Und druf e Zedu “Gratis”! Naja, es isch 1h ir Nacht und de Sessu isch ou nid grad liecht. Aber was söus, er isch derfür ou super komfortabu. Mau bis zur Fassbar mitgnoh… när witer zum Bahnhof… mischt, letscht Moonliner isch scho wäg. Auso vor d Heiliggeischt Chile gschteut und ab is Dead End. Dert si si leider nid so gaschtfründlech gsi. Aber was söus. De machi mi haut mit em Stueu uf e Heiwäg. Bis zur Sulgenau hanis no gschafft u när isch glich ou scho sächsi gsi. Ab i erscht Bus…

armchair in bus

Und nach emene witere Zwüschestopp bim Ussichtspunkt vom Burdiweg, woni no nie so komfortabu gnosse ha, bini de doch no dehei acho. Und das ganze mit Stueu. Auso durchus e Usgang wo sech glohnt het. 😀

4 Comments »

  1. axooh said,

    04.02.06 at 16:33

    ganto und sein sessel. eine riesige herrlichkeit wars!

  2. Blazing_Arrow said,

    04.08.06 at 20:20

    Fänds dope wenn sie in Zukunft hochdeutsch schreiben würden!

  3. Mänu said,

    04.09.06 at 00:55

    i hätt di so gärn gseh mit däm sässu dür d gägend watschle! und anderersits hätti säuber gärn sone sässu 🙂 wo hesch dä ufgläse? chasch da mau genaui koordinate publiziere? 😉

  4. Tiago said,

    08.27.06 at 15:50

    Hey man

    hahahaha funny pic .. you are really relaxed : )
    Hey its a pitty that I dont know german. I was really curious to know what did you say

    See you man

    Tiago

RSS feed for comments on this post · TrackBack URL

Leave a Comment